TFF YAMFUNGIA HAJI MANARA MWAKA 1 NA FAINI YA MILIONI 9 JUU

Haji Manara

KAMATI ya maadili imemfungia Afisa Habari wa timu ya Simba Haji Manara kutojihusisha na shughuli za Mpira ndani na nje ya nchi kwa muda wa miezi kumi na mbili (12) sawa na mwaka mmoja na faini ya shilingi milioni tisa (9) kutokana na kukutwa na hatia kwenye makosa yote matatu aliyokuwa akikabiliwa nayo.

TFF ilimfungulia mashtaka ya kinidhamu yenye makosa matatu kwenye kamati ya maadili. Kosa la kwanza ni kuongea maneno ya kashfa kwa viongozi wa TFF, kosa la pili kuchochea ukabila na kosa la tatu ni kukosoa maamuzi ya TFF kupeleka suala la Mohammed Fakhi kwenye kamati ya Katiba, Sheria na hadhi za wachezaji.

Mwenyekiti wa Kamati ya nidhamu Jerome Msemwa akitangaza hukumu hiyo alisema katika shitaka la kwanza Manara amefungiwa mwaka mmoja na faini milioni moja wakati lile la pili amefungiwa miezi mitatu faini milioni tatu na la tatu amepigwa faini ya milioni tano au kutojihusisha na soka kwa miaka saba.

Jerome alisema mshitakiwa alipewa hati ya mashitaka na kutakiwa kuhudhuria kwenye kikao hicho lakini alishindwa kutokea bila kuwa na sababu za msingi. Ila Manara yuko huru kukata rufaa kama hajaridhishwa na hukumu hiyo.

 

-Credit : Saleh Jembe

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s